Friday, August 21, 2015

ፍርድ ቤቱ ሃብታሙ ኣያሌውን ጨምሮ ኣምስት ተከሳሾችን በነጻ ኣሰናበተ ::




መከላለክል  ሳይጠበቅባቸው በነጻ እንዲሰናበቱ የተወሰነላቸው ዳንኤል ሺበሺ፣ አብርሃ ደስታ፣ የሺዋስ አሰፋ፣ ሃብታሙ አያሌው እና አብርሃም ሰለሞን ናቸው::
የፌደራሉ አቃቤ ህግ በብይኑ ቅር በመሰኘቱ ይግባኝ እጠይቃለሁ ብሏል።



የፌደራሉ ከፍተኛ ፍርድ ቤት 19 የወንጀል ችሎት በሽብር ወንጀል ከተከሰሱ የቀድሞው የአንድነት ለፍትህና ለዴሞክራሲ ፓርቲ የህዝብ ግንኙነት ሃላፊ አቶ ሀብታሙ አያሌውን ጨምሮ 10 ግለሰቦች መካከል አምስቱን በነፃ ሲያሰናብት ቀሪዎቹ እንዲከላከሉ ብይን ሰጠ።
የፌደራሉ አቃቤ ህግ በብይኑ ቅር በመሰኘቱ ይግባኝ እጠይቃለሁ ብሏል።
የሀገሪቱን መሰረታዊ፣ ፖለቲካዊ፣ ህገ መንግስታዊ፣ ኢኮኖሚያዊ ወይም ማህበራዊ ተቋማትን ለማናጋት እና ለማፈራረስ በሚንቅሳቀው ራሱን ግንቦት 7 እያለ በሚጠራው የሽብርተኛ ድርጅት ውስጥ አባል ለመሆን እና የሽብር ድርጅቱ የሚሰጠውን ማንኛውም አይነት ተልዕኮ ለመወጣት ተንቀሳቅሰዋል በሚል ክስ የተመሰረተባቸው ግለሰቦች፥ ዘላለም ወርቅአገኘሁ፣ ሀብታሙ አያሌው፣ ዳንኤል ሺበሺ፣ አብርሃ ደስታ፣ የሺዋስ አሰፋ፣ ዮናታን ወልዴ፣ አብርሃም ሰለሞን፣ ሰለሞን ግርማ፣ ባህሩ ደጉና እናተስፋዬ ተፈሪ ናቸው።
የፌደራል አቃቤ ህግ ግለሰቦቹ 2000 . ጀምሮ ከሽብር ድርጅቱ ጋር ግንኙነት በመፍጠር በተለያዩ ማህበራዊ ድረ ገፆች መረጃ በመለዋወጥ ኢትዮጵያ ውስጥ በአረቡ አለም የተከሰተውን አመፅ ለመተግበር የተለያዩ እንቅስቃሴዎችን አድርገዋል እና ከሽብር ድርጅቱ የሚላክላቸውን ገንዝብ እስከመቀበል ደርሰዋል የሚለውን በማተት በጥቅሉ አራት የሽብር ወንጀል ክሶችን ነው የመሰረተባቸው።
አቃቤ ህግ ክሱን ያስረዱልኛል ያላቸውን የሰው ምስክርና የሰነድ ማስረጃዎችን አሰምቷል።
ምስክሮቹ እንደ ክስ አስረድተዋል ወይም አላስረዱም የሚለውን መርምሮ ለብይን በያዘው ቀጠሮ መሰረት ዛሬ ችሎቱ አቃቤ ህግ ከተከሳሾቹ መካከል ዳንኤል ሺበሺ፣ አብርሃ ደስታ፣ የሺዋስ አሰፋ፣ ሃብታሙ አያሌው እና አብርሃም ሰለሞንን መከላከል ሳይጠበቅባቸው በነፃ ይሰናበቱ ሲል በይኗል።
ሌሎች አምስቱ ተከሳሾች ይከላከሉ ብሏል።
ይሁን እንጂ በነጻ ይሰናበቱ ከተባሉት መካከል ዳንኤል ሺበሺ እና የሺዋስ አሰፋ መጋቢት 1 2007 . ችሎት በመድፈር ወንጀል 1 አመት 2 ወር እንዲሁም አብርሃ ደስታ ደግሞ 1 አመት 4 ወር እስራት የተቀጡ በመሆኑ እስራታቸውን ሲጨርሱ ነው የሚለቀቁት።
ሃብታሙ አያሌውና አብርሃም ሰለሞን የቀደመ ቅጣት ስለሌለባቸው ዛሬውኑ የእስር መፍቻ ተፅፎ ይለቀቁ ብሏል ችሎቱ።
ችሎቱ በኢግዚቢት የተያዘ የተከሳሾች ንብረት ካለ ይመለስላቸው ሲልም ትዕዛዝ ሰጥቷል።
ችሎቱ በሌሎች የተጠቀሰውን አንቀፅ ሳይቀይር ዘላለም ወርቅአገኘሁ የሽብር ወንጀሉን በማነሳሳት፣ በማሴርና በማቀድ የተጠቀሰውን የፀረ ሽብር አንቀፅ አራትን የሽብር ወንጀል ውስጥ በመሳተፍ በሚለው ተቀይሮ ይከላከል ብሏል።
ይከላከሉ በተባሉ ተከሳሾች ላይ ፍርድ ቤቱ የመከላከያ ምስክር ለመስማት ለህዳር 13 ቀን 2008 . ተለዋጭ ቀጠሮ ይዟል።
ምንጭ፡ አዲስ አበባ ነሃሴ 14 2007 (ኤፍ..)

0 comments:

Post a Comment