Friday, August 21, 2015

60 በመቶ የሶማሊያ ክፍል ከአልሸባብ ነፃ መሆኑ ተገለጸ።





ይሁን  እንጂ  ኢትዮጵያ አልሸባብን የማዳከም ስራ እየሰራች ቢሆንም በሶስቱ ቀጣናዎች ገና የማጥቃት እንቅስቃሴ ባለመጀመሩ አልሸባብን ሙሉ በሙሉ ከሶማሊያ ለመደምሰስ አለመቻሉንም በሶማሊያ የኢትዮጵያ አምባሳደር ወንድሙ አሳምነው ተናግረዋል።

በአሚሶም ስር የሚገኘው የኢትዮጵያ መከላከያ ሰራዊት፣ የሶማሊያ ጦር እና ከአሚሶም ውጪ የተሰማራው የኢትዮጵያ መከላከያ ሠራዊት በጥምረት በከፈቱት የተጠናከረ ዘመቻ 60 በመቶ የሶማሊያ ክፍል ከአልሸባብ ነፃ መሆኑ ተገለጸ።
በሶማሊያ የኢትዮጵያ አምባሳደር ወንድሙ አሳምነው ለኢትዮጵያ ፕሬስ ድርጅት እንደተናገሩት፥ በሶማሊያ የአፍሪካ ህብረት ተልዕኮ (አሚሶም) ስምሪት በአራት ቀጣና የተከፋፈለ ነው።
በቀጣና አንድ ኡጋንዳ፣ በቀጣና ሁለት ብሩንዲ፣ በቀጣና ሦስት ኢትዮጵያ እንዲሁም በቀጣና አራት ኬንያ ተልዕኮ ተሰጥቷቸዋል።
የሶማሊያ ሰላምና መረጋጋት ለእኛ ትርጉም አለው ያሉት አምባሳደሩ፥ የኢትዮጵያ ሰላም አስከባሪ ኃይል ከሶማሊያ ሠራዊት ጋር በጥምረት በከፈቱት ጥቃት አልሸባብን ማዳከም መቻላቸውን ተናግረዋል።
ከአልሸባብ ነጻ የወጣው 60 በመቶ የሶማሊያ ክፍል ከኢትዮጵያ ጋር የሚዋሰን በመሆኑ ለሰላሟ ትልቅ ጥቅም አለውም ብለዋል።
ኢትዮጵያ የሶማሊያ መንግሥት ሠራዊት እንዲጠናከርና ነፃ በሆኑ አካባቢዎች አስተዳደር እንዲመሰረት ለሶማሊያ መንግሥትና ህዝብ ድጋፏን አጠናክራ እንደምትቀጥልም ነው ያስረዱት።
በኬንያ የኢትዮጵያ አምባሳደር ዲና ሙፍቲ በበኩላቸው ኢትዮጵያ በአሚሶም ጥላ ስር አልሸባብን ለማዳከምና ለማክሰም ከኢጋድ አባል አገሮች ጋር በትብብር እየሰራች መሆኑን ገልፀው፤ ወደፊትም በአካባቢው ሰላምና ልማትን ለማምጣት ይበልጥ ትብብሯን ታጠናክራለች ብለዋል።
Source: - (ኤፍ. . )

0 comments:

Post a Comment