Monday, April 27, 2015

Ethiopia appoint Yohannes Sahle as new coach



Ethiopia have appointed Yohannes Sahle as the new national team coach. Sahle replaces Portuguese Mariano Barreto, who paid the price for failing to qualify the team for the 2015 Africa Cup of Nations. "I played for Ethiopia from the youth team to the national team. Now I am very happy to be the coach of the team I played for," Sahle told BBC Sport.
"I'm delighted and really grateful to be given this role. I will serve with dignity and my full potential." The 49-year-old's first task is to prepare the team for the 2017 Nations Cup qualifiers, starting in June. Sahle is an Ethiopia-born US citizen who had a successful playing career in the mid 1980s with the top Ethiopian teams before leaving for America. He returned to Ethiopia in 2010 to take the technical director role at Ethiopian Football Federation. Later he managed the U-17 national team and his last role was as coach of Dedebit, one of the top teams in the Ethiopian Premier League. Source ( BBC)

Sunday, April 26, 2015

ኣይሲስ የሱኒ ጠባቂ?? ወይስ የራሱን መንግስት ኣጥባቂ??



እምናን እንዴት ኣደራችሁ ? እንዴት ሰነበታችሁ?    ኣሰላማሌኩም ኢትዮጵያዊ ሙሲሊም ወንድሞቼ እህቶቼ..

ኣንዳንድ የተሰማኝን ወይም የደረስኩበትን ነገር እስኪ ጫር ጫር ላደርግላችሁ.. ዜናውን ያገኘሁት ድሬ ቱዩብ ላይ ወጥቶ ነው ጉዳዩ ስለ የመን ወቅታዊ ሁኔታ ቢሆንም የሚገልጸውየጎረቤት ጉዳይ ነገ ያንተ ጉዳይም ይሆናልበሚል ህሳቤ እንደ አለታዊ ዜና ላልፈው ኣልፈለኩም በሊቢያ በወገኖቻችን ላይ በደረሰው ሰቅጣጭ ዜና ፤እንዲሁም የደቡብ ኣፍሪካው የጥቁር ዘረኝነት የሁላችንንም ቀልብ ይዞ ስለነበር ስለ የመን ወቅታዊ ሁኔታ ቡዙዎቻችን ወቅታዊ መረጃ  (update)  ያለን ኣልመሰለኝም የመን በሻይትና በሱኒ እምነት ተከታዮች መካከል ሳንድዊች እየሆነች ነውበዚህ ሳንድዊች ውስጥ የኛው ወገኖች እንዳሉበት ኣይረሳ፦፦ ሱኒዎችን ሳውዲ ኣረቢያ በግልጽ ስትደግፍ ንደውም ባየር በመግባት ተደጋጋሚ ጥቃት ስታደርስ ሻይቶችን ደግሞ ኢራን እንደምትደግፍ መረጃዎች ይገልጻሉ::  እንደውም ኢራኖች በጥንቃቄ እቃ የጫነ መርከብ የሚመስል ወደ የመን እያስጠጉ ሲሆን ውስጥ ውስጡን የሚነገረው ለሻይት እምነት ተከታይ የመኖች የሚሰጥ የጦር መሳሪያና የህክምና ቁሳቁሶች እንደሆኑ ይነገራልሃሜት ነው መርከቡን ኣስቁሞ የፈተ ወይም ለመፈተ የደፈረ እስካሁን ማንም የለም:: ሱኒዎች ያካባቢው መንግስታት ድጋፍ ኣላቸው.. እንደውም ግብጽን ,ኮታርን , በዋናነት ደግሞ ሳውዲ ኣረቢያን የያዘ የሚሊተሪም ሆነ የሎጂስቲክ ድጋፍ ያገኛሉ:: ይሀን ያህል ካልኩ በኌላ ግን ሳውዲ ኣረቢያሚሽ ኔን ጨርሻለሁ” (Mission accomplished)  ባለች ሰኣታት ባልሞላ ጊዜ ውስጥ የሻይት ተዋጊዎች ዋናውን የሱኒ የመናውያንን የጦር እከል ወይም Command Center  በጃቸው ኣስገቡት:: ይሄ የሚያሳየው ሽያቶቹ ተዋጊዎች በምድር ውጊያ ሃይለኛ ስለ መሆናቸው ማስረጃ ነው:: ኢራንንም እኮ ብትሆን በምድር ለምድር ውጊያ ኣትታማም!! የኬሚካል ጦር እየዘነበባቸው የኢራቅን ሱኒ ጦር ምሽ ጋቸው ድረስ እየገቡ ያንቁ እንደነበር ታሪካቸው ይናገራል :: ይሄ እንዳለ ሆኖ ግን ወገኖቻችን ሌሎችንም ክርስቲያኖች በሶርያ በግብጽ እንዲሁም በኢራቅ እያረደና መስቀል ያለበትን ስፍራ ሁሉ እያፈረሰና እያወደመ ያለው ያይሲስ ወታደራዊ ክንፍ ኣሁን ወድ የመን እየሄደ መሆኑን ክድህረ ገጻቸው ላይ ከወጣው ቪዲዮ ላይ ማየት ችያለሁ ( ዜናው ድሬ ትዩብ ላይ ኣለ) :: መልክታቸው ደሞ ኣስገረመኝ “.... ደም የጠማው የኣይሲስ ወታደር የሻይቶችን ጉሮሮ ለመቁረጥ በመምጣት ላይ ይገኛል …” ይላል ከዛም በመቀጠል “.. የመንን ለሱኒዎች እናስመልሳለን..” ሲል ይገልጻል::
“የመን በታሪክም የሱኒዎች እንጂ የሺያቶች ኣትሆንም!! መጥተን እንጭርሳች ሁኣለን..”  የሚል የፕሮፓጋንዳ ዘመቻ ክፍተዋል:: ኣስተውሉ ይሄ የሆነው ሳውዲ ኣረቢያ ያየር ጥቃቱን ኣቁሜኣለሁ የሽያቶችን ኣከርካሪ ሰባሬኣላሁ ካለች በሗላና ሽያቶቹ የሱኒን ኮማንድ ሴንተር በጃቸው ማስገባታቸው ከተረጋገጠ በሗላ ነው::
ሳውዲ ኣረቢያ ኣይሲስን በገልጽ እደግፈዋለሁ ብላ በሙሉ ልብ ባትናገርም ሽያቶችን, ሂዝቦላዎችን, ታሊባኖችን ..ኣይሲስ በጠላት ኣይን ስለፈረጃቸው የሞራል ድጋፍ እንደምት ሰጠው ምንም ኣያጠራጥርም ምናልባትም እኮ ወገኖቻችን የሚታረዱበት ቢላና ጭንቅላታቸው የሚበረቀስበት ኤኬ 47 ጠመንጃ ከዶላር ጋር የምታሽ ራቸው ሳውዲ ላለመሆኗ ምን ማስረጃ ኣለን???
ሳውዲ ኣረቢያ በትልቁ የወሃቢዝም እምነት ወይም ኣመለካከት ተከታይ ደጋፊና ዋናዋ ኣቀንቃኝ ናት:: ይሄ የወሃቢዝም ዶክትሪን ኣይሲሶዎችንከበረሃ የመጡ ኣዳኞቹ ኣድርጎ ያያቸዋል ?? ወይስ ጸረ ኢሲላም ናችሁ ብሎ ይፈርጃቸዋል??ያለ ማጋነን  ሚሊዮን ዶላር የሚያወጣ   ወቅታዊ ጥያቄ ይመስለኛል  እስኪ ሳትቸኩሉና ስሜታዊ ሳት ( ሳንሆን ) ይሄን ነገር በጽሞና እንወያይበት!! “ውጊያ ከመግባት በፊት መጀመሪያ ጠላትህንና ወዳጅህን ለይ… በፍሬንዲሊ ኣታክ (friendly attack) የራስህንም ሰዎች እንዳትጨር !!” ይላል ማን ኣለ ? ብትሉኝ መልሴ እኔም ኣላውቀውም ነው….ብቻ ውስጤ የነገረኝን ነው የጫጫርኩላችሁ ..!!
Have your say…
 For daily Ethiopian news and events, please click our site at http://www.ethiopianthisweek.com and http://www.ethioonutube.com.
Have questions or suggestions? Please send us your comment to ethiopianthisweek@gmail.com.
You can also listen our weekly radio show by dialing 712-432-9790 it is absolutely free and no access code required
Thanks,
ETW Editor

Saturday, April 25, 2015

መንግስት የሚጠበቅበትን ኣስቸኳይ እርምጃዎች ይውሰድ!





ያሳለፍነው ሳምንት መላው ኢትዮጵያውያንን ያስደነገጡና የተቀረውን የኣለም ህዝብ ጭምር ያሳዘኑ ክስተቶችን ኣስተናግዶ ኣልፏል። በደቡብ ኣፍሪካ የሚኖሩ ኣፍሪካውያን ስደተኞች ላይ ኣገሬዎቹ ባደረሱት ጥቃት ከሶስት የማያንሱ ኢትዮጵያውያን ተገድለዋል። የተረፉትም ከዛሬ ነገ ተገደልን በሚል በሰቆቃ ላይ ይገኛሉ። ይሄን ክስተት በተለየ ኣስደንጋጭ የሚያደርገው ኣገሬዎቹ ስደተኞቹን ለማስወገድ የተከተሉት መንገድ ነው። እንደግሪሳ እየተመሙ ያገኙትን ዜጋ ያልሆነ ኣፍሪካዊ ዘግናኝ በሆነ መልኩ በድንጋይ በመደብደብ፣ በስለት ደጋግሞ በመውጋትና በእሳት በማቃጠል ጣእረ ሞቱን በማራዘም ነው የሚገድሉት። ደቡብ ኣፍሪካውያን መጀመሪያ ከቅኝ ግዛት ከዚያም በኋላ ከኣፓርታይድ ኣገዛዝ እንዲወጡ ከፍተኛ ኣስተዋጽኦ ያደረጉት መላ ኣፍሪካውያን በተለይም ደግሞ ታላቁ መሪያቸውን ኔልሰን ማንዴላን ከማሰልጠን ጀምሮ፣ ከፍተኛ ዲፕሎማሲያዊ ትግል በሊግ ኦፍ ኔሽንስና በተባበሩት መንግስታት ጉባኤ ላይ ያደረግነው ኢትዮጵያውያን ቁጭታችን የከፋ ሆኗል።

በዚህ ክስተት ተደናግጠን ሳናበቃ በሰሜን ኣፍሪካዊቷ ሊቢያ ደግሞ ይበልጥ ኣስደንጋጭ የሆነ ክስተት ሰማን።  ራሱን እስላማዊ መንግስት ወይም ደግሞ ዳዕሽ ብሎ የሚጠራው ጽንፈኛ ቡድን ሃያ ስምንት ኢትዮጵያውያንና ሁለት ኤርትራውያንን በኣሰቃቂ ሁኔታ ኣንገታቸውን በመቅላትና በጥይት ኣናታቸውን በመበርቀስ ገድሏቸዋል። በዚሁ ሳምንት ከስምንት መቶ የማያንሱ ስደተኞችን የጫነች መርከብ ሰጥማ ቁጥራቸው ያልታወቀ ኢትዮጵያውያንና ኤርትራውያን ከሌሎች ኣፍሪካውያን ስደተኞች ጋር ኣብረው ሞተዋል። እነኚህ ሶስት ክስተቶች ቀድሞውንም በሳውዲ ኣርቢያ፣ በኩዌት፣ በሊባኖስ፣ በሶሪያ፣ በየመን፣ በሱዳን፣  በደቡብ ሱዳን፣ እና በሌሎችም ኣገራት የተሰደዱ ኢትዮዽያውያን በሚደርስባቸው ግፍና መከራ ኣንጀቱ ሲቆስል የቆየውን መላ ኢትዮጵያዊ ከብሄር ብሄር፣ ከሃይማኖት ሃይማኖት ሳይለይ ባንድነት በቁጣ አንዲገነፍል ኣድርጎታል።
ይህን ተከትሎም በእለተ ማክሰኞ ሚያዚያ 13 2007 ዓ.ም. የሁለት ሟቾች ቤተሰቦችና የኣዲስኣበባ ነዋሪዎች የሁለቱን ሟቾች ፎቶግራፎች በመያዝ ለተቃውሞ አደባባይ የወጡ ሲሆን፣ መንግሥት የጠራው ሠልፍ ስላለ ተብሎ በፖሊስ ተበትኗል፡፡  በማግስቱም መንግስት በጠራው ሰልፍ ላይ መላው ህዝብ የተሳተፈ ሲሆን በዚሁ ሰልፍ ላይ የሃይማኖት መሪዎችና ባለስልጣናት ራሱን እስላማዊ መንግስት ብሎ የሚጠራውን ቡድንና በኢትዮጵያውያኑ ላይ የፈጸመውን ድርጊት ኣውግዘዋል።
ታዲያ በዚህ ሰልፍ ላይ ንግግር ያደረጉት ጠቅላይ ሚኒስትር ሀይለማሪያም ደሳለኝም ሆነ ሌሎች ባለስልጣናትቀድሞም የጀመርነውን ፀረሽብር ዘመቻ ኣጠናክረን እንቀጥላለን” ከማለት በስተቀር ኣሁን በደቡብ ኣፍሪካም ሆነ በሊቢያ የሚገኙ ዜጎችን ከሚደርስባቸው ግፍና መከራ ለመታደግ ስለሚደረግ እርምጃ ሲናገሩ ኣልተደመጠም። መንግስት ሲጀምርም ባሳየው ዳተኝነት የተበሳጩት ቀጥሎም ከጠቅላይ ሚኒስትሩ ምንም ኣይነት ተጨባጭ መፍትሔ ያልሰሙት በሰልፉ ተገኝተው የነበሩ ወጣቶች ብስጭታቸውን በመፈክርና በጩኸት ለማሰማት ሞክረዋል። ፖሊስም ሁኔታውን ለማረጋጋት ሲሞክር በተፈጠረ ግጭት ሰልፉ ሲበተን ዜጎችም ለጉዳትና ለእስር ተዳርገዋል። በተመሳሳይ መልኩ መንግስት ኣንገብጋቢ የሆነውን በሊቢያና በደቡብ ኣፍሪካ የሚኖሩ ኢትዮጵያውያንን ችግር ለመፍታት ዜጎችን ወደ ኣገራቸው ለመመለስ ከተደረገ የታይታ ጥረት ባሻገር ኣስቸኳይ እርምጃ ለመውሰድ ተነሳሽነት ኣለማሳየቱ በኣገር ውስጥም ሆነ ከኣገር ውጭ የሚኖሩ ኢትዮጵያውያንን ኣስቆጥቷል።
በርግጥ በስደት የሚኖሩ ዜጎቻችን ያለባቸው ችግር የተወሳሰበና ብዙ የረጅም ጊዜ ዘለቄታዊ መፍትሔዎች የሚያስፈልጉት ነው። የስደትን ችግር ከምንጩ ማድረቅንና በውጭ የሚኖሩ ዜጎች ኣያያዝን ዘለቄታዊ መፍትሔዎች በተመለከተ በሌላ ፅሁፍ የምመለስበት ሲሆን ለዛሬ  መንግስት በኣስቸኳይ ሊወስዳቸው የሚገባ ኣንዳንድ  እርምጃዎችን ለመጠቆም እሞክራለሁ።  እነኚህም ስራዎች የመልሶ ማቋቋም ስራዎች፣ ዲፕሎማሲያዊ ስራዎችና፣ ወታደራዊና የደህንነት ስራዎች ናቸው።
መንግስት በሊቢያ፣ በየመንና በደቡብ ኣፍሪካ የሚኖሩ ወደኣገራቸው ለመመለስ ፍላጎት ያላቸውን ኢትዮዽያውያን ለመመለስ ኣስቸኳይ ግብረሃይል ሊያቋቁም ይገባዋል። ይህ ግብረሃይል በየኣገራቱ ከሚገኙ ቆንስላዎችና ኤምባሲዎች ጋር በመቀናጀት ዜጎች ያሉበትን ሁኔታ ለማጣራት በየኣገራቱ ካሉ የተለያዩ መንግስታዊኣካላትና መንግስታዊ ያልሆኑ ኣካላት ጋር በመተባበር ዜጎች ያሉባቸውን ቦታዎች፣ ብዛታቸውን፣ የደህንነት ሁኔታቸውን እና ሌሎች መረጃዎች ማጥናትና ኣጠቃላይ ሪፖርት ማቅረብ በዚያም መሰረት ኣስቸኳይ ተግባራዊ እን ቅስቃሴ ማድረግ ይኖርበታል።  በዚህም መሰረት መመለስ የሚፈልጉትን ኢትዮጵያውያን ባስቸኳይ ወዳገራቸው መመለስና ከተመለሱም በኋላ መልሰው የሚቋቋሙበትን ፕሮግራም ቀርጾ ማስፈጸም ያስፈልጋል።
ሌላው በኣስቸኳይ ሊደረግ የሚገባው ኣፋጣኝ ዲፕሎማሲያዊ እርምጃዎችን መውሰድ ነው። ከዚህ ኣንጻር የኢትዮዽያ መንግስት ከሌሎች ችግሩ ከደረሰባቸው መንግስታት ጋር በመተባበር  በደቡብ ኣፍሪካ ለተከሰተው ችግር ኣፋጣኝ የመፍትሔ ሃሳብ (Resolution) ለኣፍሪካ ህብረት ማቅረብ ይገባዋል። በኣፍሪካ ህብረት በኩልም የደቡብ ኣፍሪካ መንግስት ላይ በመጀመሪያ የመንጋ ጭፍጨፋውን እንዲያስቆም ከዚያም ኣደጋ ወይም ዝርፊያ የደረሰባቸውና እዚያው መቆየት የሚፈልጉት ደግሞ መልሰው የሚቋቋሙበትን ወይንም ደግሞ ካሳ የሚያገኙበትን ሁኔታ እንዲያፈላልግ ጫና ማድረግ ይኖርበታል።
ሌላው ኣስቸኳይ ዲፕሎማሲያዊ ስራ ሊቢያ ላይ ያተኮረ ሊሆን ይገባዋል። በመጀመሪያ ደረጃ ራሱን እስላማዊ መንግስት እያለ የሚጠራው ቡድን በኢትዮዽያ የሸበርተኞች ዝርዝር ውስጥ እንዲገባ ፓርላማው ኣስቸኳይ ውሳኔ ሊያደርግ ይገባዋል። ኣንድም የሰው ነፍስ ያላጠፉ ኢትዮዽያዊ ድርጅቶችና ግለሰቦችን ሽብርተኛ ብሎ የሚከስ መንግስት በኣዋጅ ኢትዮዽያውያንን ኣረመኔያዊ በሆነ መልኩ የሚገድለውን ቡድን ሽብርተኛ ብሎ ኣለማወጅ ግምት ውስጥ የሚያስገባ ነው።  መንግስት ይህ ኣሸባሪ ቡድን በኣፍሪካ ህብረትም ጭምር በኣሸባሪነት እንዲፈረጅና ኣባል ኣገራትም በዚህ ኣሸባሪ ቡድን በሚጠቁበት ጊዜ በጋራ የሚመክቱበትን የኣፈጻጸም ሃሳብ በማቅረብ የመሪነት ሚና ሊጫወት ይገባዋል። በዚህም መሰረት የሊቢያ መንግስትም ይህን ኣሸባሪ ቡድን ከኣገሪቱ ጠራርጎ ማውጣት እንዲችል ዲፕሎማሲያዊ፣ ፖለቲካዊና ወታደራዊ ድጋፍ ማድረግ ያስፈልጋል።
በሶስተኛ ደረጃ መወሰድ ያለበት ወታደራዊ እርምጃ ነው። ራሱን እስላማዊ መንግስት እያለ የሚጠራው ቡድንን ከተቻለ ከሊቢያ ጠራርጎ ለማውጣት ካልሆነም ለማዳከም የሚያስችሉ ወታደራዊ እርምጃዎችን ጉዳዩ በቀጥታ ከሚመለከታቸው ኣካላት ጋር በመተባበር የተቀናጀ እርምጃ መውሰድ ነው። ጉዳዩ በቀጥታ የሚመለከታቸው እንደ ግብፅ፣ ሱዳን፣ ኣልጄሪያ፣ ኣሜሪካ፣ ጣሊያን ና ሌሎችም ኣገራት ጋር በመቀናጀት ኣላስፈላጊ ፖለቲካዊና ወታደራዊ ቅራኔ ውስጥ ላለመግባት ጥንቃቄ በማድረግ ወታደራዊ እርምጃዎችን መውሰድ ይቻላል። በተለይም ደካማ ከሆነው የኣገሪቱ መንግስት ጋር ቀጥተኛ ግንኙነት በማድረግና በኣገሪቱ ኢትዮጵያውያን የሚገኙባቸውን ቦታዎች በመለየት ከግብፅና ከሱዳን ጋር በመቀናጀት ኣስቸኳይ ህይወት ኣድን ወታደራዊ ሚሽን ማካሄድ ያስፈልጋል።
መርስኤ ኪዳን
ከሜኔሶታ: ሀገረ ኣሜሪካ