Sunday, December 14, 2014

አዲስ አበባ መድረክ የጠራውን ሰላማዊ የተቃውሞ ሰልፍ አስተናገደች



የኢትዮጵያ ፌዴራላዊ ዲሞክራሲያዊ አንድነት መድረክ  (መድረክ) በአዲስ አበባ የጠራው ሰላማዊ የተቃውሞ ሰልፍ ተካሄደ። ፓርቲው ያዘጋጀው ሰላማዊ የተቃውሞ  ሰልፍ ከግንፊሌ ድልድይ ተነስቶ  በአዋሬ፣አድዋ ድልድይና በሲግናል  አድርጎ በተለምዶ ታቦት ማደሪያ ተብሎ  በሚጠራው ወረዳ 11 አካባቢ ተጠናቋል።  በሰልፉ ላይ የተገኙትና ለድርጅቱ አባላትና ደጋፊዎች ንግግር ያደረጉት የፓርቲው ሊቀመንበር ፕሮፌሰር በየነ ጴጥሮስ መንግስት የሙስና፣ የመልካም አስተዳደርና የመሰረተ ልማት ችግሮችን በአፋጣኝ እልባት እንዲሰጥ አሳስበዋል። ፓርቲው በዴሞክራሲያዊና በሰላማዊ ትግል በአገሪቱ የመንግስት ለውጥ ለማድረግ እየታገለ መሆኑንም ተናግረዋል። ፓርቲው ባዘጋጀው የተቃውሞ ሰልፍ ላይ "የታሰሩ ጋዜጠኞች፣ ጦማሪያንና ፖለቲከኞች ይፈቱ" "የሙስሊሙ ማህበረሰብ ጥያቄ ምላሽ ይሰጠው" "ህገ-ወጥ የመሬት ወረራ ይቁም"
"
ገለልተኛ የምርጫ ቦርድ ይቋቋም" በሚሉ መፈክሮች ተስተጋብተዋል።

ድርጅቱ በጠራው የተቃውሞ ሰልፍ ላይ የአንድነት ለፍትህና ዴሞክራሲ ፓርቲን አርማና የሌሎች ፓርቲዎችን የሚያንጸባርቅ ቲሸርት በመልበስና ራሳቸውን የሰልፉ አካል ለማድረግ  የሞከሩ አንዳንድ አባላትም በሰልፉ ውስጥ ታይተዋል። በሰላማዊው የተቃውሞ ሰልፉ 400 ገደማ የመድረክና በስሩ በሚገኙ የፖለቲካ ድርጅቶች አባላትና ደጋፊዎች ተሳትፈዋል። ከረፋዱ 3:00 እስከ እኩለ ቀን ድረስ የዘለቀው ሰላማዊ የተቃውሞ ሰልፍ ያለምንም የጸጥታ ችግር በሰላም ተጠናቋል
ምንጭ፦ኢዜአ  and  (ኤፍ..)

0 comments:

Post a Comment