Sunday, June 16, 2013

የኢትዮጵያ ብሄራዊ ቡድን ከደቡብ አፍሪካ አቻው ጋር ባደረገው ግጥሚያ ሁለት ለአንድ በሆነ ውጤት አሸነፈ ::


 
የኢትዮጵያ ብሄራዊ ቡድን ከደቡብ አፍሪካ አቻው ጋር ባደረገው ግጥሚያ ሁለት ለአንድ በሆነ ውጤት አሸነፈ :: ኢትዮጵያም 2014 የብራዚል ያለም ዋንጫ ውድድር ስሟ ካስሩ አገሮች ተርታ ገባ ::
የዋልያዎቹን ጨዋታ ለማየት ስፖርት አፍቃሪው ወደ አዲስ አበባ ስታዲዮም መግባት የጀመረው እሁድ ሳይሆን ከቅዳሜ ምሽት ጀመሮ ነበር :: በመጀመሪያው ግማሽ የጨዋታ ሰአት የደቡብ አፍሪካው ቡድን በጨዋታ በልጦ የታየበት ሲሆን 33ተኛው ደቂቃ ላይ 17 ለብሶ የሚጫወተው የደቡቡ አፍሪካው አጥቂ ፓርከር ለቡድኑ የመጀመሪያዋን ጎል ማስቆጠር ችሏል :: ይሁን እንጂ ዋልያዎቹ ተስፋ ባለመቁረጥ ባደረጉት የመልስ ማጥቃት 40ኛው ደቂቃ ላይ ከደደቢት የተመረጠው ጌታነህ ከበደ አስተካክሎ የተሰጠውን ኴስ አመቻችቶ በመምታት ለውጤት አብቅቶታታል
::
በሁለተኛው አጋማሽ ላይ የኢትዮጵያ ቡድን ያገኛትን ቅጣት ምት የደቡብ አፍሪካው ተጫዋች ለማውጣት በቴስታ ሲሞክር በራሱ ጎል ላይ ዶሏታል :: በዚህ ጨዋታ ላይ አጫዋቾች የነበሩት የመኅል ዳኞችና የመስመር ዳኞች በሙሉ ከግብጽ የነበሩ ሲሆን ሰሞኑን ባባይ ዙሪያ በኢትዮጵያና በግብጽ በተነሳው ውዝግብ ሳቢያ ዳኞቹ ሊያደሉ ይችላሉ የሚል ፍርሀት በመላው የስፖርት ቤተሰቦች ላይ አድሮ ነበር :: ይሁን እንጂ ጨዋታው ተጀምሮ እስኪያልቅ ድረስ ዳኞቹ ፍጹም አድልዎ በሌለበት ሁኔታ ጨዋታውን በመምራታቻው የቡዙዎችን አድናቆትና አክብሮት አግኝተዋል :: የስፖርት ተመልካቹም ሙሉውን 90 ደቂቃ ድጋፉን ለዋልያዎቹ ቢያደርግም "" ማንዴላን እናፈቅረዋለን "" የሚል ትልቅ መፈክር በመያዝ ለደቡብ አፍሪካ ስፖርተኞች ያላቸውን አክብሮት ገልጸዋል :: ( የኢትዮጵያ በዚህ ሳምንት ዋና አዘጋጅ )

0 comments:

Post a Comment