Thursday, October 6, 2011

የኢትዮጵያውያን ሰቆቃ በሊቢያና በማልታ ሰማዮች::

በየለቱ በሞትና በህይወት መካከል ናቸው:: ትናንት አብረዋቸው የነበሩ ጔደኞችቻቸው ዛሬ የሉም:: ወይ ውሀ በልቷቸዋል ከዛ የተረፉትን ደሞ ጥይት እስከ መጨረሻው ዝም አሰኝቷቸዋል:: ስደት, ተስፋ መቁረጥ ከምድር ወደ ባህር ከባህር ወደ ምድር በሰው ሰራሽም ሆነ በተፈጥሮ ማእበል እየተንገላቱ ዛሬም አሉ...መኖር ከተባለ...በቻድና በኒጀር በረሀ የቀሩትን ደሞ የበረሀው ሰማይ ይቁጠራቸው..ይሄ ኢትዮጵያውያኑን ብቻ ሳይሆን ከተለያዩ የአፍሪካ አገሮች ወይ የተሻለ ኑሮ ፍለጋ አለያም ካገራቸው ፖሎቲካ ለመሸሽ የተሰደዱትን ሁሉ ይጨምራል:: ቢቀናን ቢለው ከሊቢያ ወደ ማልታ አቅንተውም ነበር...ማልታ ሲደርሱ ግን የስደተኞች ካምፕ ሳይሆን የካምፕ ጽሁፍ በትልቁ የተለጠፈብት እስር ቤት ውስጥ ነው ያስገቧቸው:: በሩ ከውጭ ይቆለፋል ..በቀን ላንድ ስአት ብቻ የጸሀይ ብርሀን እንዲያገኙ ይወጣሉ:: ዛሬ በሊቢያ ምድር ኢትዮጵያውያኑ ብቻ ሳይሆኑ በሺዎች የሚቆጠሩ አፍሪካውያን የኮለኔል ጋዳፊ ደጋፊዎች ናችሁ በሚል ባዲሱ የሽግግር መንግስት ቁም ስቅላቸውን እያዩ ነው:: ሚስቶቻቸው የተደፈረባቸው , ሰርተው ያፈሩት ሀብት የተወረሰባቸው , የተደበደቡና የተገደሉትን ቤት ይቁጠር..:: በስድተኞች አንጻር በሊቢያ ምድር ላይ የሚታየው የነጠረ እውነታ ይህ ነው:: የኢትዮጵያ በዚህ ሳምንት አዘጋጅ በሊቢያ ስላሉ ኢትዮጵያውያን ሰቆቃ የሚመለከት ከጀርመን ድምጽ ያገኘውን ዘገባ እንደሚከተለው አቀናብሮታል:: http://ia700704.us.archive.org/20/items/EthipiansSufferInLybiaAndMalta/LybiaSagaEditedv..mp3

0 comments:

Post a Comment